與3C班共對了一個多月，其實花在他們身上的時間不多，很少和個別學生談天說地，平時只忙著繁重的行政工作，在做手術前的一天，放學前最後一刻總需要交代老師要暫別一事，雖然已諗定大約要講的內容，但要說出口時突然有點兒難啟齒．．．
各位同學起立，老師有ｄ野同大家講，聽日有位林老師會代老師上堂，因為老師受咗傷，要好好咁抖下，要休息一個月，一個月後老師會返黎繼續教大家，大家要聽林老師說話，我會每日同林老師聯絡，如果你地搞事唔聽話，我返黎一定會重罰。此時班房一片寂靜．．．大概他們需要一些時間來消化我的說話．．．他們只懂眼光光的望著我的殘相，我卻不知怎樣面對他們．．．
外面學生放學的嘈吵聲瞬間把他們弄醒過來。
吓吓吓吓吓吓吓吓吓吓吓﹗
唔好啦﹗受乜野傷呀﹖老師唔好走啦﹗老師邊有受傷呀﹗唔係掛﹗吓﹗老師做乜野呀﹗老師要做手術呀﹖老師咩病呀﹖老師，賴為柔喊呀﹗
吓﹗
只見到賴為柔低著頭，不敢在同學面前出醜。
老師，鍾曉晴喊呀﹗
吓﹗
鍾曉晴正在拉起校服的袖來抹眼淚．．．
死﹗出事﹗點算﹖
在小朋友的世界裡，眼淚是會傳染的，包括我在內．．．有些女同學開始想哭了，我急忙來個深呼吸，控制下自己先，急需要說些話來分散他們的注意力。
其實老師都唔想離開你地，不過老師受咗傷，真係需要好好咁休息一下，等老師好返晒，就會返黎再繼續教大家，老師應承你好怏返﹗大家聽日默書，上次有一半人唔合格，老師今日預先同你地溫過一次，唔識ｄ同學今日返去要俾心機溫，記住要寸熟o個十個字，聽日默書一定出，我會問返林老師你地默成點，合格俾老師睇好唔好﹖
好﹗ (其實咩情況都話好，不過呢一刻好feel d)
要放學啦﹗各位同學再見﹗
秦老師，再見﹗
